වයඹ සරසවිය සූර්ය බලශක්ති බැටරි හදයි


(ගයාන් සූරියආරච්චි)

සූර්ය බලශක්තිය ගබඩා කිරීම සඳහා දේශීය මිනිරන් හා ජෙලි පොලිමර් විද්‍යුත් විච්ජේද්‍ය උපයෝගී කරගෙන පරිසර හිතකාමී අඩු පිරිවැය බැටරි හා විශේෂ ධාරිත‍්‍රක වයඹ විශ්වවිද්‍යාලයේ පර්යේෂණ කණ්ඩායමක් විසින් නිපදවා තිබේ.

2

3

 

පර්යේෂණ කණ්ඩායම විසින් නිපදවන බැටරිවල ජෙල් පොලිමර් විද්‍යුත් විච්ජේදක ලෙසත් ධන අග‍්‍රයට මැග්නීසියම් හෝ සින්ක් ලෝහයන් හා සෘණ අග‍්‍රයට දේශීය මිනිරන් භාවිත කර ඇත. විශේෂ ධාරිත‍්‍රක සඳහා මිනිරන් සහ ජෙල් පොලිමර් විද්‍යුත් විච්ජේද්‍ය යොදාගෙන පර්යේෂණාගාර මට්ටමින් සාර්ථකව අත්හදා බැලූ බව විද්‍යාඥයෝ පවසති.

1

4

වයඹ විශ්ව විද්‍යාලයේ ව්‍යාවහාරික විද්‍යා පීඨයේ ඉලෙක්ට්‍රෝනික දෙපාර්තමේන්තුවේ මහාචාර්ය කමල් විදානපතිරණ මහතා සහ මහාචාර්ය කුමුදු පෙරේරා මහත්මියගේ ප‍්‍රධානත්වයෙන් පශ්චාත් උපාධි අපේක්‍ෂක ඩබ්ලිව්.ඒ.ඩී.එස්. වීරසිංහ සහ වත්සලා ප‍්‍රසාදිනීගේ දායකත්වයෙන් මෙම පර්යේෂණය සිදු කෙරේ.

පර්යේෂණය පිළිබඳව මහචාර්ය කමල් විදානපතිරණ මහතා  අදහස් දැක්වූයේ මෙසේය.

‘‘දැනට රජය විසින් ක‍්‍රියාත්මක කරමින් පවතින සූර්ය බල ශක්ති සංග‍්‍රාමයේ නිවාස දශ ලක්‍ෂයකට සූර්ය පැනල ලබාදීමේ වැඩසටහන ඇතුළු විවිධ ඉලෙක්ට්‍රෝනික භාවිතයන් ඉලක්ක කරගෙන මෙම බැටරි හා විශේෂ ධාරිත‍්‍රක සැකසීමට අප තීරණය කළා.’ 

‘සූර්යබල නිෂ්පාදනයේ දැනට පවතින ප‍්‍රධාන ගැටලූව ලාභදායී ලෙස එම විදුලි බලය ගබඩා කිරීමට නොහැකි වීමයි. විශේෂයෙන් රාත‍්‍රී කාලය සඳහා එම සංරක්‍ෂිත විදුලිබලය ඉතා අත්‍යවශ්‍යයයි. දැනට ගබඩා කිරීමේ උපකරණ ලෙස පවතින බැටරි හා විශේෂ ධාරිත‍්‍රකවල මිල ඉතා අධිකය. සූර්ය බලශක්ති සංග‍්‍රාමය ප‍්‍රධාන වශයෙන් ඉලක්ක වනුයේ ග‍්‍රාමීය ජනතාවටය. එහිදී ඔවුන්ට දැරිය හැකි මිලකට බැටරියක් හෝ විශේෂ ධාරිත‍්‍රක නිපදවීම අත්‍යවශ්‍ය වෙනවා.’

මීට පෙර අප විසින් වෙනත් ව්‍යාපෘති කීපයක් යටතේ සැකසූ ජෙල් පොලිමර් විද්‍යුත් විච්ජේද්‍ය මෙහිදී යොදාගැනීමට බලාපොරොත්තු වෙනවා. ඊට හේතුව දැනට ලොව පුරා දක්නට ලැබෙන බොහෝ බැටරි හා විශේෂ ධාරිත‍්‍රකවල ඇති විද්‍යුත් විච්ජේද්‍යවල ඇති ගැටලූකාරී තත්ත්වයි.’

 

පුටාගැනීම - ලංකාදී

 

uni-logo

Contact Us

Lional Jayathilake Mawatha,
Kanadulla,
Kuliyapitiya, 60200,Sri Lanka.
 
Tel : +(94) 37 22 81412, +(94) 37 22 81414, +(94) 37 22 83614
E-Mail :  info@wyb.ac.lk